My First Post

😅என் பெயர் சாந்தி வைத்தியநாதன். எழுத்துப்பணிகளுக்காக சாந்திநாதன். சிறுவயதிலிருந்தே புத்தகங்கள் படிப்பது பிடித்தமானது. என் அருமைத் தந்தை பாரதிகலைஞர் உயர்திரு எஸ்.வி.சஹஸ்ரநாமம் அவர்களிடமிருந்து வந்த நல்ல பழக்கம் இது. பள்ளி விடுமுறைநாட்களில்  படித்திருந்த கதைகளின் தாக்கத்தால்  நானும் என் மனதில் தோன்றியதை எழுதிப் பார்த்துப் பின் அதைப் படித்தால் எனக்கே திருப்தியளிக்காதநிலையில் அந்த கிறுக்கல்களை கிழித்து எறிந்து விடுவேன்.

        திருமணத்தற்குப்பின் மனைவியாய், மூன்று குழந்தைகளின் தாயாய் என் கடமைகளை நிறைவாகச் செய்வதில் மனம் முழுமையாக ஈடுபட மற்ற சிந்தனைகளுக்கே இடமின்றி நாட்கள் சென்றுவிட்டன. என் இரு பெண்களும் ஒரு மகனும் உயர்கல்வி பெற்று அதற்கேற்ற பணிகள் வாய்கப்பெற்று பெற்றோரைபெருமிதம் கொள்ள வைத்துள்ளனர். மூவருக்கும் மணம் முடித்து இன்று எங்களுக்கு வரமாகக் கிடைத்துள்ள ஐந்து பேத்திகளையும் இரு பேரன்களையும வளர்க்கும் இனிய பொறுப்பையும் இன்பமாக,எங்கள் ஓய்வுநேர இனிய கடமையாக நிறைவேற்றினோம்.

              

             குழந்தைகள் வளர்ப்பில் என் கற்பனை கதைகளும் அவ்வப்போது இடம்பெற்று உறங்கிக்கிடந்த படைப்பு கனவுகளைத் தூண்டிவிட திரும்பவும் எழுதும் முயற்சியில் ஈடுபட்டுள்ளேன்.இம்முயற்சியில் எனக்கு என்பேரக்குழந்தைளே உந்துசக்தி. கணிப்பொறியில் தட்டச்சு செய்வது, பதிவேற்றுவது எனக்கான இப்பதிவை உருவாக்க எனக்கு கற்பித்தவர்களும் அலர்களே.

       

 இத்துடன் என் சிறுகதைகளும் பதிவேறியுள்ளன.😀😊